عم فودة
عم فودة بتاع الفطير
بيصحى ينادى بصوته الجهير
فطير ياعالم ياناس فطير
راكب عجلته و ماشي بيسعي
و قدامه شايف الدنيا واسعه
و حمدى المدرس و صاحبه سمير
كل يوم فطارهم فطير
و عم فودة يسمع كﻻمهم
عن الحكومة و عن التغيير
بياخد ثقافته من المشترين
لقاهم في يوم متعصبين
سألهم بس خير ياجماعه
قاله حمدى الناس جواعه
و صاحبنا قال بيفحت قناة
سمير قال أنا مش معاه
دى حاجة خلت عقلي تاه
رد عليهم وقال بس لحظة
هيه القناة مش أمموها مرة
وﻻ هاناممها كل ثورة
قاله سمير دى واحدة جديدة
هانعملها ياعم فودة
و قال ايه بيلموا فلوس م الجياع
من شعب قاسي و ناضل و ضاع
صرخ عم فودة و لم الشارع
دى مصر ياعالم ياشعب صايع
جدى مات في فحت القناة
و أنا هاروح اموت وراه
طلع فلوسه و فضى جيوبه
وقاله ادفع فين ياسي حمدى
و جري ما استناش حتى اجابة
رجع لبيته قال لام توفيق
مفيش معايا فلوس للدقيق
فلوسه هانزرع بيها قمح جديد
و ناكل بدل ما ناكل عليق
لمى هدومنا و هاتى العيال
هانروح نعيش هناك في القنال
دى مصر شالت حمول جبال
و ﻻ مرة كلت و قالت خﻻص
هانتباهى بيها و يتباهى اللى جاى
وﻻ قنابل هاتفيد وﻻ رصاص
لو كل ايد في ايد تتبت
رجلين صحابها في الأرض تثبت
قومى ياحجة نشيل الفطير
نأكل عامل و مهندس و غفير
دى مصر عاوزة اسود مش حمير
بقلمى داليا محمود
ليست هناك تعليقات:
إرسال تعليق