قضيةْ حُب
شعر/محمود العزب
9/8/2015
أنا القاضى وانـا الجانـى وانـا المَتهوم
وعينى معاكى ياحبيبتـى ماداقِـت نوم
وسهرِك حِلْـوْ على قلبى ونِفسى يدوم
ومُش مُمكِن ياروح قلبى أخاصمُهْ فى يوم
وحُبِّك إنتِ ياحياتى اللِّى هامِمنى
وبارتاح لُه وعُمرُه ماشُفتُهْ بِألِمنى
وكُلُّهْ جميل وطول العُمر مِلازِمنى
ولابِسيبنـى ولا ليلـهْ أبـات مَـهمـوم.
ليست هناك تعليقات:
إرسال تعليق