حالو ياحالو
حالو ياحالو
رمضان كريم ياحالو
حالو ياحالو
ليه ماتقوموا وتحَلو
قوموا من عز النوم
دا كسلكم ناركم ضِله
اشتغلوا بجد وهِمه
واعبدوا ربكو وتصَلو
حالو ياحالو
رمضان كريم ياحالو
حالو ياحالو
رمضان بيقول ليكو هِلو
هلِو بولاء لبلادكم
والفاسد نكسر غِله
وبلاش من ظُُلم الاقوى
وضميرنا ليه بنشِلو
وياريت الناس تتأخى
ويعم الخير من كُلُه
حالو ياحالو
رمضان كريم ياحالو
حالو ياحالو
أأملو فى الخير ماتمِلو
انا بحلم بفانوس نَوَوى
مصرى مش صينى ياخيلو
ماهى مَسحه منه تِخَلى
للمجد سُبل ما ضِلو
وانا نفسى فى غيطان حِنطه
ورغِيفنا من غير ذُله
حالو ياحالو
بتقدم مصر تحلو
الشاعر / ألامير محمد على
ليست هناك تعليقات:
إرسال تعليق