مسحراتى ((8))
مسحراتى مسحراتى
هتسحرونا النهادره ايه
كان نفسى اقولك
ع اللى فيها
طب ما انت عارفه
كمان يا بيه
خلى بالك
رمضان كريم
وخيره ياما
زياده فيه
لما يبقى
عندك زياده
شوف فقير
واسأل عليه
لما يبقى
جارك مريض
برضة واجب
انت تواسيه
لما يبقى
ولما يبقى
ولما يبقى الكل واحد
دا حلم عمرى
ونفسى فيه
مسحراتى مسحراتى
اللى بصحى
انام عليه
الزباله
فى كل حته
والطريق
مفيهوش امان
خلى ايمانك
نظافه
دى النظافه
من الايمان
خلى صومك
فيه عباده
مش صيام
بس وجعان
هتعيش براحه
جوه نفسك
والله اكبر
فى الاذان
مسحراتى مسحراتى
بكرا هنزيد قول كمان
==============
\\\ عونى هشام \\\
ليست هناك تعليقات:
إرسال تعليق