مسحراتى ((6))
=========
مسحراتى وتاريخنا سته
عامل حسابى سحورنا فته
عازم مطاوع دا واد ملاوع
عايز كوارع ما يخلى حته
مسحراتى مسحراتى
جايب كنافه مع قطايف
عامل حسابى الكل شايف
اصحى يا نايم اصحى يا نايم
قرب تعالى ليه بس خايف
مسحراتى مسحراتى
الواد مطاوع دا واد خطير
ضحك عليا راح جاب فطير
فطير بعجوة فطير بسكر
الحق سحورك اوام يطير
مسحراتى مسحراتى
اصحى يا نايم وتصحى ليه
نايم بتحلم هتفطر ايه
يا عم سيبها الرزق جايلك
رمضان كريم وكرمه فيه
مسحراتى مسحراتى
معادنا بكرا بتنسى ليه
===========
ليست هناك تعليقات:
إرسال تعليق