...؛؛ سلسبــــــــل ؛؛ ...... بقلمـــــــــــــــــــــــــــــ مصطفـــــى أبـو الدهـــــب

...؛؛ سلسبــــــــل ؛؛ ......

بقلمـــــــــــــــــــــــــــــ

مصطفـــــى أبـو الدهـــــب

... ناديت عليك يا سمره
... وفارده عل الهموم شالك .......
... البحرمش ليا ولا
... ليكي يا صبيه
... دا البحر غنالي وغنالك ......
... والموجه راكبه موجه
... جيالي وجيبالك .....
... مع المد وردة .......
... وطير غنى للسواقي
... وعيون وقلوب
... صابره وشارده .......
... أنا كنت هنا أمبارح
... شفتك على الشط
... بتغزلي لبكره ........
... وبترسمي الرمل أمل
... وتلحني الفكره .......
... والشمس من ورا
... السحابه تغنيلك
... والقمر بعتلك جوه
... ضيه فرحه و ضحكه ......
... يالي على رمشك
... تاهت قلوب وقلوب
... وانت ولا هامك
... وراضيه بالمكتوب
... أصيله طول عمرك
... و وفيه للمحبوب
... ياحمامه طيري
... وإفردي ف الهوا
... جناحك
... الليل بتاعي أنا
... والفجر دا صباحك
... بشره جميلة وهنا
... في طرف مجدافك
... أنا وانت ومين قدنا
... يلا كفكفي جراحك 

بقلمـــــــــــــــــــــــــــــ

مصطفـــــى أبـو الدهـــــب