همسات
حبيت الدنيا عشانك
مجنونه بسحرك وغرامك
بشتأقلك حتى فى خصامك
والجنه بشوفها بأوصالك
@@@@@@@@@@@@@@@@@
عذبنى عذب بكلامك
دنا سبت الدنيا كرمالك
هتروح فين من أعمالك
تلاقيها وراك وقدامك
@@@@@@@@@@@@@@@@@
ياسايبنى وحدى وسط الريح
عرضه للهاوى وكل جريح
بتمنى تجرب وتذوق تجريح
أصلى مجروحة وقلبى صريح
@@@@@@@@@@@@@@@@@
عارفه أن الدنيا جراحه
من قلبى بؤلك بصراحه
بعدك عنى هو الراحه
وأتعلم فن الأرجوحه
@@@@@@@@@@@@@@@@@
استنى استنى انت بتحلم
مجروحة من قلبى وبتألم
هابعد عن ظلمك وأتعلم
ولقربك تانى ما هاسلم
@@@@@@@@@@@@@@@@@
يارامينى فى بحر هواك
ازاى أبعد وانساك
وف بعدى استنى لقاك
بأموت فيك واهواك
علمنى ازاى أسلاك
@@@@@@@@@@@@@@@@@
طوحنى الشوق لبعيد
وبحبك قلبى سعيد
منا بعدك قلبى وحيد
والحب يوم بيوم بيذيد
اسمع يا أبو قلب حديد
واسعدنى بلمسه ايد
أو حتى سلام فى العيد
دا خيالك راح لبعيد
ونسينى بحب جديد
ليست هناك تعليقات:
إرسال تعليق