عاميه بقلمى \ الشاعر صبرى ابو ريان
بعنوان (يمكن بكابر حبتين)
يمكن بكابر فى الفراق
يمكن بزيف كلمتين
واكدب واقول مافى اشتياق
وانا اللى قاتلنى الحنين
يمكن علشان بضحك
فى وشك واوهمك
بالفرح لاجل ما تفرحى
بحاول اغشك
لاكن حبيبتى صدقينى
انت نور العين
وانى وحدى وقت حزنك
فى الخفى ببكى سنين
وانى منك وانت منى
شىء بيجرى جوه دمى
وكل همى اعوضك جرح السنين
وان حبك وشم منقوش على الجبين
وان معنى حنينى
ليكى اقوى من معنى الحنين
ليست هناك تعليقات:
إرسال تعليق