مانيش فافى ولا مرسال
ولا طرطور وليا قرون
ولا حكون في حياتك تمثال
اعيش الدنيا غيوم
مش حكون ليكى مراية
في لسان الناس سلاية
وابات ليلى مقهور
اصلى اصيل ومتربى
م العفة واخد حقى
اخاف قوى من كلمة عيب
لابس للصدق التوب
لا ليا ف لفة ولا الاعيب
الحق اشقله بحور
اصون الصاحب والعشرة
وال البيت والعترة
احب الضحكة والغنوة
اعشق شعراوى ورفعت
كل الدنيا معايا تضحك
الدين جواىا متعبى
راسخة جزوره ف قلبى
اعشق حليم ونجات
ثومة على صوتها ابات
احب الشعر والوانه
احب الزرع وغيطانه
بس لا حكون مايكل ولا جون
ولا حشرب بيرة وخمور
................................
مش حقبل
فوق الركبة يكون لبسك
ولا فستانك يرسم جسمك
مش حقبل صدرك يتعرى
ولا شعرك ع الوجنات يدلى
ولا بميوه تنزلى مية
ولا تنامى يوم ع الشط
تصبحى فرجة للخلق
مش حقبل صوتك يعلى
ولا اكون ف ايديكى لعبة
مش حقبل صاحب ليكى
عا النت يحاكيكى
كلمة ف كلمة وحكاية
تصبح سهرة وسهراية
وانا ف ضهرى اعد نجوم
..............................
مش حقبل اكون سيرة
تحكى حكايتى الديرة
ولا حرسم ضحكتى عيرة
ومن جوايا اكون مهموم
ما نيش متعقد ولا رجعى
لكن كده هو طبعى
اغير قوى على عرضى
ولو كلمة تمسه
او حد يجيب سيرته
ممكن عشانه اموت
اصلى صعيدى
ليا عوايدى وتقاليدى
دمى حامى ف عروقى
ولا اقبل اكون هلفوت
.............................
مش حقبل ع الوش نقاب
تاخديه للدنيا ستار
من غير تقوى وايمان
من غير عفة واحسان
وغمزة عينك تقتل
ليكى الناس تجذب
تعلن سؤال ف جواب
.........................
شوفى كده بالراحة
بصراحة وكل صراحة
مش حقبل ف الصورة رتوش
ولا حقبل اكون ديوس
انا عاوزك عفيفة ومتصانة
ف عيون الخلق احلى حكاية
ملكة فوق الراس متشالة
قمراية ف وسط نجوم
ابو العبـــــــــــــــــــــــادى
ليست هناك تعليقات:
إرسال تعليق