حداد
حداد على القلم اللى مات
هو مات ولا اختار السكات
سكت القلم اتخرس ولا اتكسر
حد يقولى ايه جرى
هى دى مصرولا مقبره
تعبنا من كتر الكلام
اتخرسنا وصبنا الصم والعمى
ايادى مغلوله ولا فى حد شلها
ايه يامصر صرختك راحت
السرطان صاب الحنجره
فين العزيمه فين الاراده
دانتى كنت للغزاة مقبره
دلوقتى بقيتى حاضنه
بين ترابك ولادك
هو انتى لسه عطشانه اوى
يا مصر قومى اتحركى
لياليكى بقت كلها حداد
على الوليد اللى مات
لبستى توب العذا
هو حلىلك السواد
طيب يلا بقى غيرى
لون العلم خليه احمر زى الدم
ولا اسود يكون اكرم
ما السوادتوب الوقار
خلى هيبة ولادك ترجع
يمكن دمهم السايل يبطل صراخ
يا عينى عليك يا شهيد
مافى ايد تاخد بتارك
نبكى عليك ليله و ليالى
وبعدها ننسى الاسى
ناكل ونشرب وتعدى الليالى
وكانك ما كنت فى يوم بينا
وكانك ما خسرت دمك
لجل ما نعيش احنا
وادى القلم
انكسر ومبقاش قادر يعبر
منى حسن عيسى
ليست هناك تعليقات:
إرسال تعليق