أنا سيئ... أنا سيئ حقيقي بجد
سواد روحي مشافهوش حد
لكنه تملي جوايا... ومبيخرجش
وطيبتي دي صورة فـ مرايا ومبتدخلش
جسد خاوي من الإحساس
وتارك نفسه لـ الموجة
بتطمع فيه عيون الناس
وكله يشد ماهي هوجة
دي أطرافه بقت لعبة كما الصلصال
شيطان عايش كما الأطفال
وبيكمل طريقه في صمت
لا هعتب يوم ولا هنطق بـ لفظ ندمت
أنا الغلطان يا أهل الطُهر والطيبة
وراضي أكون مثال لـ القهر والخيبة
هدوء متغطي بيه بركان
وبكرة هيجي يوم وزمان
ونتحاسب...
هـ قول عادي أنا الغلطان..
مافيش غالب...
رضيت دبحي بكل حنان..
أنا السيئ... أنا سيئ حقيقي بجد.......
#إسلام_حبيب
ليست هناك تعليقات:
إرسال تعليق